Skip to content
Njoftim
Ju kujtojmë se afati për dorëzimin e formularit “Njoftimi i transaksioneve vjetore të kontrolluara” për vitin 2023 është deri më datë 31 mars 2024, bazuar në Legjislacionin Tatimor, gjegjësisht Nenin 28 të Udhëzimit Administrativ MF-Nr. 02/2017 për Transferimin e Çmimit.
Kush duhet ta dorëzojë formularin?
Tatimpaguesit e përfshirë në transaksione të kontrolluara në mes të personave të lidhur, që janë subjekte të juridiksioneve të ndryshme tatimore, të cilët brenda periudhës raportuese në total kalojnë shumën prej 300,000 eurove.
Ku dorëzohet forma?
Formulari duhet dorëzuar në zyrën qendrore të Administratës Tatimore të Kosovës, në Departamentin për Transferim të Çmimeve dhe Ekonomi Digjitale, në adresën:
Këndi i rrugëve “Dëshmorët e Kombit” dhe “Bill Klinton”, Prishtinë.
